Единствен начин Русија да осигура траен мир со Украина е нејзините граници да ги оддалечи што е можно повеќе, па дури и до границата на Полска, напиша Медведев на годишнината од почетокот на воената операција во Украина.
Проблемот на Медведев со потенцијален договор со Украина и Западот, кој би се постигнал низ тешки преговори, е дека на договорот ќе му недостасува „фундаментална согласност за вистинските граници“, заради што Русија мора сега да ги прошири своите граници.
„Затоа е важно да се постигнат сите цели на специјалната воена операција. Што е можно повеќе да ги оддалечиме границите кои и се закануваат на нашата држава, дури и ако тоа се границите на Полска,“ напишал актуелниот заменик претседател на рускиот Совет за безбедност.
Полска на една страна се граничи со Белорусија и Украина, а единствената граница со Русија во должина од 200 км е со руската енклава Калининград.
Технички, секое пречекорување на полската граница ќе значи и директен судир меѓу Русија и НАТО.
ИЗВОР: off.net.mk
