ИСТАНБУЛ (АА) – Русија денес истакна дека ги поздравува напорите насочени кон изнаоѓање „мирно решение“ за војната во Украина од која било држава, откако министерот за одбрана на Индонезија, Прабово Субианто, изнесе мировен план, пренесува Анадолу.
„Ги поздравуваме напорите на сите држави што се насочени кон мирно решение на овој конфликт“, изјави рускиот заменик-министер за надворешни работи, Андреј Руденко, за државната новинска агенција ТАСС.
„Колку што знам, немаме никакви официјални информации за ова, но слушнавме од јавувањата на медиумите“, додаде Руденко.
Планот, претставен на дијалогот Шангри-Ла во Сингапур во саботата, повикува на итен прекин на огнот, создавање демилитаризирана зона што ќе биде надгледувана од Обединетите нации (ОН) и референдуми во „спорни територии“.
Извор: www.aa.com.tr
