Португалскиот фудбалер Кристијано Роналдо (40) официјално го продолжи договорот со Ал Наср. Саудискиот клуб тоа го потврди со видео во кое португалскиот играч едноставно кажа: „Ал Наср засекогаш.“
Иако Роналдо потпиша нов договор, не се објавени никакви информации за деталите од новиот договор, освен дека ќе трае до 2027 година. Сепак, се очекува дека Роналдо за две години ќе инкасира 200 милиони евра, колку што заработуваше и со претходниот договор.
Да потсетиме, актуелниот договор на Роналдо со Ал Наср истече во понеделникот, а токму како слободен играч пристигна во Саудиска Арабија и во 2023 година.
Минатата сезона на сите натпреварувања собра 41 настап. Постигна 35 голови и додаде четири асистенции. За репрезентацијата на Португалија од дебито во 2003 година има 221 настап, а и денес е капитен на селекцијата за која има постигнато 138 голови.
Тековната пазарна вредност му се проценува на 12 милиони евра.
Извор: kurir.mk
