Градскиот ракометен клуб Охрид тргна во новата етапа и ги стартува подготовките за следната сезона. Новиот проект му беше доверен на српскиот стручњак Борис Ројевиќ кој го свика и одржа првиот тренинг на „гладијаторите“. На првиот собир Ројевиќ можеше да смета на целиот тим освен на повредениот Теимураз Орјоникидѕе кој подолго отсуствува и заздравува во.
На стартот на подготовките одговорија сите новајлии во тимот, кои заедно со оние кои останаа лани ќе се обидат да се вмешаат во врвот на мак-ракометот.
„Базичните подготовки ќе се одвиваат во Охрид, нашиот град има одлични услови за тоа. Учествуваме на “Струшкиот Турнир” од 13-16 август и ќе одиграме 3 натпревари, потоа ни следи Меѓународниот Турнир “Крсте Андоновски” каде ќе одиграме 4 натпревари. Турнирот е во наша организација кој од година во година е се подобар и подобар, па пред првиот натпревар во Македонската машка ракометна лига со екипата на Алкалоид можно е да одиграме уште еден-два подготвителни натпревари. Во ЕХФ Европскиот Куп сме носители и имавме “лесен противник” кој фокусирано треба да се одработи, па чекор по чекор со мала среќа во ждребот барем да ја “презимиме” Европа и да ја полниме СРЦ Билјанини Извори и во февруари. Посакувам сите играчи пред се да се здрави, а со нивниот квалитет позитивните резултати ќе дојдат. Со одличнитот стручен штаб на чело со нашиот тренер Ројевиќ и со поддршката на нашата верна публика мислам дека често ќе се радуваме во оваа сезона“, изјави спортскиот директор на ГРК Охрид, Славчо Ристески.
Извор: kurir.mk
