Дали и какви промени ќе претрпи цената на електричната енергија од јануари ќе соопшти Регулаторната комисија за енергетика утре на прес-конференција.
РКЕ се очекува да ги соопшти одлуките поврзани со цената на преносниот и дистрибутивен систем за електрична енергија (МЕПСО, Електродистрибуција, МЕМО).
На последниот тендер на ЕВН ХОУМ, АД ЕСМ понуди цена од 62 евра за мегават часови што е за две евра повисока од досегашната цена што АД ЕСМ му ја продаваше на универзалниот снабдувач. Оваа цена има најголемо влијание врз цената на струјата што граѓаните ќе ја плаќаат од 1 јануари.
Од Владата изјавија дека не очекуваат големи промени во цената на струјата, но доколку имало поскапување тогаш тоа, според нив, би било од еден до три отсто.
ИЗВОР: racin.mk
