Под мотото „Спортот како национален идентитет и визија за иднината“, денеска во Скопје се отвори Првиот Регионален спортски самит „Скопје 2025“.
Министерот за спорт Борко Ристовски истакна дека Скопје денеска е центар на регионот и место каде спортот ја покажува својата најголема сила – да ги обединува луѓето, државите и културите. Според него, самитот претставува платформа за заеднички визии, размена на искуства и градење нови партнерства.
На отворањето на Самитот, присутните ги поздравија вицепремиерот и министер за транспорт и врски Александар Николовски и легендата на македонскиот фудбал, Горан Пандев.
На првиот панел „Како спортот ја обликува иднината на Балканот: Преку соработка до успех“ дискутиравме за регионалната соработка како основа за идни успеси, заедно со министерот за спорт на Србија, Зоран Гајиќ, и министерот за спорт и млади на Црна Гора, Драгослав Шќекиќ.
Ристовски нагласи дека оваа средба е почеток на ново поглавје за спортот на Балканот, во кое ќе се водиме од фер-плеј, солидарност и почитување, со цел остварување на успешни проекти и конкретни резултати.
.
