Ристески за минималната плата: Владата не се меша, ќе се договорат работодавачите и синдикатите – „неприфатливо е придонесите да се субвенционираат“

Заменик министерот за економија Марјан Ристески вечерва во емисијата „Бизнис21“ на ТВ21 истакна дека Владата овој пат нема да се меша во минималната плата.

Според него, донесена е одлука тоа да се договорат работодавачите и синдикатите за висината на минималната плата.

„Неприфатливо е придонесите да се субвенционираат од страна на владата бидејќи знаете каква е дупката оставена од претходниот период, едно лошо и криминално владеење“, вели Ристески.