Фудбалската федерација на Македонија (ФФМ) ги претстави новите дресови на македонската фудбалска репрезентација, со кои националниот тим ќе настапи во претстојните плеј-оф натпревари за Светско првенство.
По повеќе од една деценија, во фокусот повторно се враќа жолтата боја, која, како што велат од ФФМ, не е само избор, туку чувство и симбол на препознатливост за навивачите.
„Боја што ја баравте – и ја враќаме заедно“, порачаа од Федерацијата, најавувајќи нов почеток и силна поддршка од трибините во клучните натпревари што следуваат.
Новите дресови се изработени од спортскиот бренд Adidas, кој стои зад дизајнот и техничките перформанси, со цел да обезбеди максимална удобност и квалитет за репрезентативците.
Со овој потег, ФФМ испраќа порака за обединување и враќање на традицијата, во пресрет на важните предизвици на патот кон Светското првенство.
