Основните училишта го користат зимскиот распуст за обнова и реновирање на објектите. Во училиштето „Абдил Фрашери“ во Aрачинoво, се одвиваат низа градежни работи, од кои дел се очекува да завршат на почетокот на втората половина од годината. Директорот Рефик Салиу за Алсат изјави дека наставниот процес нема да биде попречен и доколку работите се одложат поради студеното време.
„Во моментов работат три фирми. Првата е за реконструкција на училниците, додека втората е за реновирање на салата за физичко образование, која е во завршна фаза. Третата група работници се во делот на канцелариите каде што се спојуваат двете згради, од кои едната е во процес на изградба. Ова ќе потрае малку подолго бидејќи е започнато од почеток по принципот клуч на рака. Ако настане евентуално пролонгирање на работите, образовниот процес ќе го продолжиме во останатиот, реновиран дел“, рече Рефик Салиу, директор на „Абдил Фрашери“ Арачиново.
Веќе пет месеци како посебно училиште работи ОУ „Абдил Фрашери“ во кое наставниот процес ќе се одвива од прво до деветто одделение. Првиот човек на општината Ридван Ибрахими рече дека со одвојувањето од училиштето „Ѓерѓ Кастриоти Скендербеу“ повеќе нема да има проблем со превоз на учениците.
„Учениците повеќе нема да треба да се превезуваат. Ученикот од прво одделение бил принуден да оди во друго училиште иако пред врата ја има училишната зграда. Или, шестоодделенецот го има училиштето блиску до дома и бил принуден да патува… нема повеќе малтретирање ниту за учениците, ниту за родителите. Сега имаме два објекта во оптина Арачиново“, нагласи Ридван Ибрахими, градоначалник на Општина Аарачиново.
Во моментот основното училиште „Абдил Фрашери“ брои 1.044 ученици распоредени во 47 паралели, од кои 11 работат во приградското училиште во селото Орланце./Алсат.мк
Мелихате Рустеми
Извор: alsat.mk
