Реконструкцијата на владата ќе добие поддршка од најмалку 64 пратеници, смета новинарот Џелал Незири

February 10, 2023
1 min read

Незири не верува во можни изненадувања и ситуација во која не би имало 61 пратеник во поддршка на новите министри по влегување на Алијанса за Албанците во владата

Најмалку 64 пратеници ќе гласаат за „новата влада“ во која ќе влезе Алијанса за Албанците (АА), проценува новинарот Џелал Низири, кој гостуваше во емисијата „360 степени“ на ТВ Алсат.

Џелал Незири – новинар, од гостувањето во „360 степени“ на ТВ Алсат

„Имате право, немаме јасна слика на која страна ќе застанат пратениците особено по овие последни поделби, предизвикани од влегувањата и излегувањата на партиите во владината коалиција. Но, според сите изгледи, оваа влада или коалиција, има сигурна поддршка во Собранието, има стабилно мнозинство, сега со влегувањето на АА и најмалку 64 пратеници ќе ја гласаат новата влада“,

одговори Незири на новинарската констатација дека се чини незивесно колку гласа ќе добијат предложените за нови министри во Собранието.

Прашан за очекувањата во некои кругови дека можеби ќе нема најмалку 61 пратеник во поддршка на реконструкцијата на владата, Незири коментираше:

„Не верувам, бидејќи ако ги собирате или минусирате сите овие потези на партиите тогаш минимумот на парламентарното мнозинство ќе биде 65 пратеници. Ако го минусираме дури и Павле Трајанов, повторно нема да се загрози ова мнозинство. Мислам дека со влегувањето на АА во владата, се реши една дилема. Тоа е дека нема да има предвремени избори и наредните парламентарни избори ќе бидат редовни. Ова е добра вест во целиот овој метеж.“

Дали може да се испостави дека „се колел вол за една кременадла“ – беше следното прашање до Незири.

„Мислам дека мнозинството досега не беше стабилно, бидејќи имавме повеќе коалициони партнери, плус ‘огнената група’, која контролира 2-3 пратеника, значи имаше нестабилност која ги зајакнуваше помалите партии. Сега со Алијанса мислам дека минимумот ќе бидат 64 пратеници, а очекуваното мнозинство би било околу 70“,

рече Незири во „360 степени“.

Алијанса за Албанците во „новата влада“ ќе добие три министерски места, информација што синоќа на прес-конференција ја потврди и партискиот претседател Арбен Таравари. Тој денеска имаше и средба со премиерот и лидер на СДСМ, Димитар Ковачевски, а во јавноста веќе излегоа и дел од имињата кои Алијанса ги предлага за министерски позиции.

Станува збор за Кренар Лога, кој е предлог за нов министер за правда на местото на Никола Тупанчевски (СДСМ), како и Фатмир Меџити за ресорот здравство со кој сега раководи Беким Сали (Алтернатива).

Дел од медиумите објавија дека Алијанса ќе го добие и Министерството за информатичко општество и администрација, за каде го предлага Азир Алиу кој би го заменил Адмирим Алити (Алтернатива).

Партијата на Таравари ќе има и двајца заменик-министри, кои според неофицијални информации ќе бидат Вјолца Бериша за земјоделство и Тирон Јахјага за одбрана.

Дали Алтернатива, која според овој договор, две места ќе ѝ препушти на Алијанса, ќе остане воопшто во Владата, засега е неизвесно. Од партијата денеска најавија дека в недела ќе одлучува Централното собрание.

ИЗВОР: 360stepeni.mk

Leave a Reply

Your email address will not be published.

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

85-годишна жена спасена од урнатините по 107 часа (ВИДЕО)

Следно

Како последица на земјотресите во Туркије животот го загубија најмалку 20.213 луѓе

Latest from Blog

Тврд судир во „Топ Тема“ – Меџити: Вие игравте фудбал, ние реализиравме проекти

Кандидатот на коалицијата ВЛЕН за градоначалник на Општина Чаир, Изет Меџити, во телевизиското соочување во емисијата „Топ Тема“ остро реагираше на својот противкандидат од ДУИ, потенцирајќи ја разликата меѓу посветена работа и

Меџити: Османи не ги знае надлежностите, чистотата е во надлежност на Град Скопје!

Во првата директна дебата во емисијата „Топ Тема“ на телевизија Телма, кандидатот на владината коалиција ВЛЕН за градоначалник на Општина Чаир, Изет Меџити, остро реагираше на својот противкандидат од Алијансата за национална

Припадниците на овие хороскопски знаци се најискрените луѓе што можете да ги запознаете

Искреноста не им доаѓа природно на сите, некои се кријат зад учтиви фрази, други избираат тишина кога треба да зборуваат. Но, овие хороскопски знаци не знаат друг начин освен да бидат искрени.

Мицкоски: Граѓаните знаат Филипче никогаш не бил со народот, туку со Заев кои ги гледавме како крстарат со луксузни јахти по Егејското крајбрежје

На прагот сме на уште едни избори на кои се носи одлуката за вашата иднина. Ова с избори од кои зависи како ќе се развива вашата општина, вашето маало, вашата улица. Од

Меџити до Османи: Ќе почнеш ли со рушење од твојата дивоградба во Топанско Поле?

Вечерва, во предизборната дебата на „Топ Тема“ на телевизија Телма, кандидатот за градоначалник на општина Чаир од ВЛЕН, Изет Меџити, се осврна на проблемот со дивоградбите во општината. Тој го праша Бујар
Go toTop