Речиси 90 лица загинаа во Индија и Непал како последица на удари од гром, град и обилни врнежи, соопштија денес официјални претставници, јавува Анадолу.
Најмалку 61 лице загинаа во различни области на источната индиска држава Бихар од 9 април поради удари од гром и град, според официјалните претставници за катастрофи.
Претставник на одделот за управување со катастрофи во Бихар за Анадолу изјави дека 39 лица загинале поради инциденти поврзани со невремето, а околу 22 лица загинале како последица од удари од гром.
Според метеоролошките власти, државата беше погодена од тешки временски услови, вклучително и грмотевици и молњи.
Во државата Северен Утар Прадеш, властите соопштија дека најмалку 22 лица, меѓу кои пет жени, загинале во инциденти како последица на обилните врнежи, објави денес јавниот радиодифузер „Ал Индија радио“.
Се наведува дека врнежите биле забележани во 36 окрузи на државата, додека смртни случаи биле пријавени во 11 области.
Деветмесечно новороденче загина како последица на удар од гром во областа Баџура во непалската провинција Судурпашчим, додека неговата мајка е повредена, објави вчера дневниот весник „Рајзинг Непал“.
Дождот и невремето предизвикаа и прекини на струјата и телекомуникациите во погодените провинции.
Извор: Anadolu Agency (AA)
