Албанскиот премиер Еди Рама од Црна Гора денеска упати критика кон неговиот колега од Косово, Албин Курти велејќи дека кон него нема личен или институционален проблем, само спротивни ставови за справувањето со ситуацијата на северот на Косово
На денешната заедничка конференција на албанскиот премиер Еди Рама и црногорскиот премиер Дритан Абазовиќ, меѓудругото се разговараше и за актуелната состојба на Косово и затегнатите односи на релација Тирана-Приштина по последните случувања, како и иницијативата „Отворен Балкан“.
Премиерот Рама во своето излагање кажа дека сè што повикува на неволја и конфликт во регионот е проблем и за нив, и тие како држава не се подготвени да бидат дел од него, туку напротив, треба да работат кон спротиставување на ситуациите на неволја бидејќи пред се, на регионот му е потребен мир и економски просперитет, а не приказни за херојство.
„Хероизмите припаѓаат на минатото, не ни требаат нови херои. Ајде да работиме како да ги зајакнеме нашите економии, рекол Рама и додал: „Не отидов во Приштина да се женам за Курти. Немам никаков личен или институционален проблем, само спротивни ставови за одредена ситуација“,
рече Рама.
Рама додаде и дека Курти живее во некој друг свет, додека тој самиот е со меѓународната заедница. За иницијативата „Отворен Балкан“ пак, Рама вели дека тоа не е негова приватна компанија туку заедничка иницијатива на трите земји кои членуваат, а според него иако оваа иницијатива носи поволности, сепак Берлинскиот процес е многу важен за регионот.
„Историјата покажа дека Црна Гора е вредна членка на НАТО. За нас е многу важно да соработуваме за загриженоста во регионот. Ние сме во друга фаза од нашата историја и генерациите никогаш нема да ни простат ако дозволиме регионот да се врати онаму каде што пропадна поради конфликтите кои предизвикаа крвопролевање и омраза меѓу земјите. Го информирав премиерот за процесот што се обидува да го обедини регионот и Берлинскиот процес каде сакам со единствен став да го искористиме Самитот во Тирана“,
изјави Рама.
Извор: 360stepeni.mk
