Радев телефонски разговарал со Сиљановска-Давкова: Конструктивниот дијалог е основа за развој на билатералните односи

Претседателот на Бугарија, Румен Радев оствари телефонски разговор со претседателката Гордана Сиљановска-Давкова.

Двајцата разговарале за важноста на конструктивниот дијалог на највисоко ниво меѓу двете земји, вклучително и во мултилатералните формати.

„Овој дијалог е од особено значење како за градење стабилна основа за развој на билатералните односи, така и за справување со регионалните и глобалните предизвици поврзани со обезбедувањето безбедност, борбата против тероризмот и борбата против илегалната миграција“, истакнаа од кабинетот на Радев.