Путин потврди дека руски пилоти загинале за време на бунтот на „Вагнер“

June 27, 2023
1 min read

Засега нема официјални информации за тоа колку пилоти загинале или колку авиони биле соборени

ФОТО: Твитер OSINTtechnical

Рускиот претседател Владимир Путин во вчерашниот говор им оддаде почит на пилотите кои загинале за време на бунтот на „Вагнер“. На тој начин, тој потврди дека руските пилоти загинале во борба додека групата платеници на „Вагнер“ марширала кон Москва.

Во синоќешното обраќање на Путин преку државната телевизија, што беше негово прво јавно појавување по вооружениот бунт во саботата предводен од водачот на платениците Евгениј Пригожин, ги потврди извештаите на социјалните мрежи дека силите на „Вагнер“ собориле руски авиони во борбите.

Заблагодарувајќи им се на рускиот народ, војниците, органите на редот и безбедносните служби што останале обединети за да ја заштитат татковината, Путин рече дека тоа покажува оти Русија нема да подлегне на „никаква уцена, каков било обид за создавање внатрешни превирања“.

Тој рече дека непријателите на Русија сакале да ја видат земјата „да се гуши во крвави граѓански судири“.

„Храброста и самопожртвуваноста на паднатите херои-пилоти ја спасија Русија од трагични разорни последици“,

рече Путин, додавајќи дека бунтот го загрозува самото постоење на Русија и оние што стојат зад него ќе бидат казнети.

Засега нема официјални информации за тоа колку пилоти загинале или колку авиони биле соборени.

Некои руски телеграмски канали кои ја следат руската воена активност, вклучително и блогот Рибар со повеќе од милион претплатници, во саботата објавија дека 13 руски пилоти биле убиени во текот на целодневниот бунт. Меѓу соборените летала биле три хеликоптери „ми-8 МТПР“ и еден авион „ил-18“.

Извор: 360stepeni.mk

MARKETING

MARKETING

Претходно

(ВИДЕО) Ново издание на 360°: Шест децении по разорниот земјотрес во Скопје Сеизмолошката опсерваторија работи во невозможни услови

Следно

Путин: Сите мои инструкции во текот на бунтот беа со цел да се избегне крвопролевање

Latest from Blog

Министерот Ристовски им посакаа успешен настап во мундијалските квалификации на македонските кошаркари

Министерот за спорт Борко Ристовски денеска ја посети репрезентативната база на македонските кошаркари во Гевгелија, посакувајќи им успешен настап во претстојните квалификации за пласман на Светскиот куп 2027. Македонските кошаркарски репрезентативци во

Филипче вели дека е несериозен предлогот на ВМРО-ДПМНЕ даден на прес конференција: Резолуцијата со Бугарија за идентитетот треба да биде даден во Собрание

Претседателот на СДСМ Венко Филипче одговарајќи на новинарски прашања за предлогот на ВМРО-ДПМНЕ со Бугарија да се поднесе заедничка резолуција во Европарламентот која ќе се однесува на македонскиот јазик и македонскиот идентитет,

Познати сите четвртфиналисти на СП во ватерполо

Црногорските и грчките ватерполисти се пласираа денеска во четвртфиналето на Светското првенство, кое се одржува во Сингапур. Грција го победи Бразил со 17-5 во осминафиналето, додека Црна Гора избори место меѓу осумте

Каја Шукова кандидат на СДСМ за градоначалник на Скопје

Претседателот на Социјалдемократскиот сојуз на Македонија, д-р Венко Филипче, на денешната прес-конференција ја соопшти одлуката на Извршниот одбор на партијата, која се однесува на давање согласност за кандидатури за градоначалници за претстојните
Go toTop