МОСКВА (АА) – Рускиот претседател Владимир Путин денес ги разреши руските амбасадори во Естонија и Латвија, пренесува Анадолу.
Рускиот амбасадор Владимир Липаев ја напушти Естонија на почетокот на февруари, откако Русија го намали нивото на дипломатските односи како одговор на протерувањето на нејзините дипломати.
Во меѓувреме, Летонија во знак на солидарност со Естонија реши да го намали нивото на дипломатските односи со Русија, а како резултат на тоа во Москва се врати и рускиот амбасадор Михаил Ванин.
Во одвоеното соопштение, руското Министерство за надворешни работи соопшти дека го прогласиле естонскиот дипломат за персона нон грата како одговор на неодамнешното протерување на вработен во руската Амбасада во Талин.
Министерството ја повика естонската вршителка на должноста Јана Ванамолдер и ѝ соопшти дека врз основа на принципот на реципроцитет, естонскиот дипломат од ист ранг мора да замине.
Министерството соопшти дека ќе бидат принудени да преземат други одмазднички мерки против упорните провокативни активности на естонските власти против Русија, додавајќи дека одговорноста за колапсот на билатералните односи е на оние кои донесуваат одлуки во Талин.
Извор: www.aa.com.tr
