Пуштен на домашно лекување доктор Шаини, кој беше ранет во Куманово

October 8, 2025
1 min read

Доктор Зекирија Шаини, кој вчера беше ранет при оружен инцидент во центарот на Куманово, денеска е пуштен на домашно лекување од Универзитетската клиника за пластична и реконструктивна хирургија во Скопје.

Директорката на Клиниката за пластична и реконструктивна хирургија, Јасмина Ѓоргиевска Павловска за МИА потврди дека пациентот се чувствувал добро.

– Пациентот е во добра општа состојба. По санирање на раните е пуштен на домашно лекување, изјави Ѓоргиевска Павловска.

Министерството за здравство вчера попладне преку соопштение реагираше дека со вознемиреност ја примиле веста за оружениот напад во Куманово при што повреден бил нивен колега, доктор Шаини.

– Ја известуваме јавноста дека повредите не се животно-загрозувачки и дека докторот е во стабилна состојба и се опоравува. Ќе биде обезбедена целосна поддршка за докторот додека трае неговото опоравување и рехабилитација. Министерството категорично осудува какво било насилство против здравствените работници и потврдува дека нивната безбедност е приоритет. Ќе работиме на унапредување на мерките за заштита на персоналот во здравството, преку соработка со здравствените установи и локалните власти, потенцираа вчера од Министерството за здравство.

Воедно беше посочено дека активно ќе се соработува со Министерството за внатрешни работи и локалните власти во Куманово, со цел целосно расчистување на случајот.

Доктор Шаини, според соопштението од МВР, вчера беше повреден во оружен инцидент што се случи во 13:54 часот на крстосница од улиците „Димитрије Туцовиќ“ и „11 Октомври“ во центарот на Куманово, кога две лица во движење, од огнено оружје пукале во патничкото возило „фолксваген голф “, кое тој го управува. Тој прво беше пренесен во Кумановската општа болница на медицински иследувања, по што беше префлен на скопските клиники

Извор: kurir.mk

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Средба на Коњановски со Здружението на пензионери: Заедно до подобар квалитет на живот

Следно

Омерагиќ до Барди: „Среќата што ја носи детето е најголемиот трофеј“

Latest from Blog

Заменик-претседателот на Владата Арбен Фетаи во официјална посета на САД

Заменик-претседателот на Владата задолжен за политики на добро владеење, г. Арбен Фетаи, започна повеќедневна официјална посета на Њујорк и Вашингтон, Соединетите Американски Држави. За време на престојот, г. Фетаи ќе оствари средби

Фото: Џенифер Лопез настапила на свадба на индиски милијардер, заработила два милиони долари!!

Џенифер Лопез  била главна ѕвезда на луксузната свадбена церемонија на еден индиски милијардер. Атрактивната пејачка изведувајќи ги своите најголеми хитови решила гостите на свадбата да ги остави без здив во провокативни костими

Рекордна потрошувачка од 8,6 милијарди долари во САД за „црн петок“, бројката не е конечна

Најпродаваните артикли се телевизорите, новиот Nintendo switch 2 и Аpple airpods 4. Кујнските апарати исто така брзо се продава, заедно со машините за перење и сушење алишта, велосипедите и кошаркарските кошови. Растот

Стаменкоска – Трајкоска: Продолжуваме со континуираните заложби за подобрување на инфраструктурата

Градоначалничката на општина Кисела Вода, Бети Стаменкоска – Трајкоска, на својот Фејзбук профил денес објави фотографии од асфалтирање на улицата 527 во Кисела Вода. Асфалтирање на улицата 527 во Кисела Вода Во
Go toTop