Тешко рането лице е пренесено во Брзата помош по пукање што се случило вечерва во кафуле на Градскиот плоштад во Штип. Според првичните информации, инцидентот настанал по расправија меѓу повеќе лица.
Според првичните информации, по вербална и физичка расправија помеѓу неколку лица, едно лице – турски државјанин било застрелано. Неофицијално, повредениот носел нож, по што другото лице употребило огнено оружје.
Мотивите за конфликтот сè уште не се познати, а полицијата работи на расчистување на случајот.
„Вечерва околу 21.30 часот во СВР Штип било пријавено дека во угостителски објект на градскиот плоштад во Штип, било пукано со пиштол при што едно лице е повредено. Лицето со возило на итна медицинска помош е пренесено во болница во Штип. Се преземаат мерки за пронаоѓање на лицето кое пукало и за расчистување на случајот“, соопштија од МВР.
ИЗВОР: racin.mk
