Галатасарај го претстави Седрик Бакамбу како ново засилување, во авионот за Турција е Вилфрид Заха, а вечерва беше купен и Мауро Икарди.
Контроверзниот Аргентинец потпиша тригодишен договор со Галатасарај кој на Пари Сен Жермен му плати отштета од 10.000.000 евра.
Сепак, можно е сценарио во кое Икарди веднаш ќе ја напушти Галата и ќе се пресели во аргентински Њуелс.
Минатото лето Икарди дојде во Галатасарај на позајмица од Пари Сен Жермен, а турскиот клуб му исплати само 10 отсто од платата која на нето годишно ниво изнесува 6.750.000 евра.
Остатокот го покрива ПСЖ. Аргентинецот блесна во Турција, постигна 22 гола на 24 првенствени натпревари и имаше голема улога во освојувањето на титулата.
ИЗВОР: kurir.mk
