Стефани е првото бебе родено во 2025 година во Прилеп. Мајката, Ангела Јанеска, на која ова и е прво раѓање, се породи со царски рез во 5:47 часот наутро. Бебето тежи 3,10 кг, а и мајката и бебето се во добра здравствена состојба. Гинекологот д-р Гоце Оропан нагласи дека има пораст на бројот на породувања, со 455 бебиња родени во 2024 година.
Градоначалникот Борче Јовчески ја посети мајката и бебето, им посака среќна и здрава нова година и им подели подароци. Новогодишната ноќ во болницата помина мирно, без поголеми инциденти.
ИЗВОР: ТВ 21
