Догодина комплетно ќе биде ставен во функција проектот „Безбеден град“. Се размислува за период на адаптација од 6 месеци, однсосно- на граѓаните доколку направиле некој прекршок првично да им стигнува опомена, а не казна. Оние пак, кои не се со македонски регистерски таблички веднаш ќе треба да платат глоба за непочитување на сообраќајните правила.
За ова денеска на брифинг со новинарите информираше премиерот Христијан Мицкоски.
Технологијата преку која ќе се спроведува овој систем е врвна, како во светските метрополи.
По вчерашниот состанок министерот за внатрешни работи Панче Тошковски, Мицкоски денеска обзнани дека околу 150 луѓе годишно го губат животот во сообраќајни несреќи во Македонија, а околу 22.000 прекршоци, како што се возење без возачка дозвола, возење во алкохолна состојба и непочитување на сообраќајните знаци, се прават годишно само во Скопје.
Па од тука, ставањето во функција на овој систем за електронско детектирање на сообраќајни прекршоци, познат како „Безбеден град”, е еден од приоритетите на Владата, со единствена цел да се подобри безбедноста на патиштата и да се намали бројот на жртви.
ИЗВОР: kurir.mk
