Денешната церемонија се очекува да ја нагласи различноста и инклузивноста, да има најмногу мултиверски елементи од кое било крунисување во историјата. Колоната во која кралот и кралицата ќе се вратат во Бакингемската плата по крунисувањето ќе биде долга 1,6 километри и во неа ќе има 4 000 војници и 19 воени бенда. Кога ќе пристигнат, останува неизвесно кој ќе излезе со Чарлс и Камила на традиционалниот поздрав од балконот
На церемонијата ќе присуствува и принцот Хари што ќе биде прво појавување во јавноста заедно со неговиот брат Вилијам, по објавувањето на неговите мемоари. Тој може да остане во Лондон само неколку часа по церемонијата и да се врати во САД кај сопругата Меган Маркл за да го прослават роденденот на синот Арчи
Историски ден за британската монархија. Кралот Чарс Трети и неговата сопруга, кралицата Камила, денеска се подготвуваат за нивото историско возење со кралската кочија до Вестминстерската Опатија. На церемонија која ја очекува целиот свет, Чарлс Трети денеска ќе биде крунисан за британски крал, што ќе биде прво по 70 години.
Илјадници воени лица се во Лондон за да учествуваат на церемонија и безбедноста е подигната на највисоко ниво. Од прва рака, службата за крунисување ќе ја проследат околу 2 300 поканети гости. Околу 100 шефови на држави ќе бидат во Вестминстерската Опатија, а од земјава ќе присуствува и претседателот Стево Пендаровски со неговата сопруга Елизабета Ѓоргиевска.
На листата гости се наоѓа и принцот Хари, војводата од Сасекс, кој во петокот пристигна во Обединетото Кралство од САД. Тоа ќе биде првпат по објавувањето на контроверзните мемоари, принцот Хари да биде виден во јавност со неговиот брат, принцот Вилијам.
Се очекува дека Хари може да го напушти Лондон само неколку часа по церемонијата и да се врати во САД за да ѝ се придружи на неговата сопруга Меган Маркл на прославата на роденденот на нивниот син Арчи.
Неговиот татко Чарлс, стана крал на Обединетото Кралство во септември кога кралицата Елизабета почина по 70 години поминати на тронот. Денеска, како што пренесуваат британските медиуми, главна порака на церемонијата на крунисување од кралот Чарлс во неговата прва молитва ќе гласи: „Не дојдов да ми служат, туку да служам“.
Најважен момент на церемонијата ќе биде ставањето на круната од Стеви Едвард на главата на кралот Чарс Трети што ќе биде одбележано со ѕвонење на ѕвоната од опатијата и поздравно пукање со пиштол. И неговата сопруга Камила ќе биде крунисана, по што официјално, по долга и често контроверзна врска со престолонаследникот, официјално ќе стане кралица.
Денешната церемонија се очекува да ја нагласи различноста и инклузивноста, да има најмногу мултиверски елементи од кое било крунисување во историјата.
Поворката во која ќе се движат кралот и кралицата при враќањето во Бакингемската плата по крунисувањето се најавува дека ќе биде спектакуларна, долга 1,6 километри и во неа ќе има 4 000 војници и 19 воени бенда. Кога ќе пристигнат, останува неизвесно кој ќе излезе со Чарлс и Камила на традиционалниот поздрав од балконот.
Извор: 360stepeni.mk
