СОФИЈА (АА) – Приврзаниците на крајната десница денес во Софија се судрија со полицијата во Софија на протестот за одбрана на бугарскиот лев и против воведувањето на еврото, јавува Анадолу.
Протестот, во организација на крајнодесничарската и ултранационалистичка партија „Преродба“ започна пред Бугарската народна банка (БНБ), а продолжи пред Претставништвото на Европската комисија во Софија.
Демонстрантите кои носеа транспаренти на кој пишуваше „Не го сакаме еврото“, „Го бираме левот“, со црвена боја и јајца ги гаѓаа двата објекта и ја запалија влезната врата на зградата на Европската комисија, по што се судрија со полицијата.
Причините за протестот, како што наведуваат демонстрантите, се поради тоа што се против влез на Бугарија во еврозоната, и нивната желба за задржување на бугарскиот лев.
Инаку, до крајот на февруари Бугарија ќе поднесе официјално барање до Европската комисија (ЕК) и Европската централна банка (ЕЦБ) за изработка на вонредни извештаи за подготвеноста на земјата за приклучување кон еврозоната. Ова го изјави бугарската министерка за финансии Теменужка Петкова пред неколку дена во Брисел, каде што го претстави пред државите од Еврогрупата напредокот на Бугарија, поврзан со подготовките за приклучување кон еврозоната, соопшти бугарското Министерство за финансии.
Министерката Петкова истакна дека „со својата разумна фискална политика Бугарија одамна го заслужи членството во еврозоната“. Таа изрази очекување тоа да стане реалност на 1 јануари 2026 година.
Извор: Anadolu Agency (AA)
