Кичевчани самоорганизирани протестираа пред општината барајќи дислокација на отпадот од депонијата која се наоѓа во градот, зад јавното претпријатие „Комуналец“.
Протестот започна со една минута молк за жртвите од Кочани.
Потоа организаторот на протестот побара решение за депонијата од која, како што рече, се шири лоша миризба и секој ден ги гуши.
Граѓаните кои протестираат стравуваат за нивното здравје затоа бараат решение од градоначалникот.
Протестот беше мирен, а организаторите им порачаа на институциите дека нема тука да запираат бидејќи ќе протестираат додека не се исполни нивното барање.
Следниот протест е најавен за после две недели.
Прашан за овој проблем, градоначалникот на Кичево, Фатмир Дехари, за ТВ21 изјави дека депониите се проблем на претходните но и актуелната Влада и според него на овој начин се обидуваат да управуваат со отпад додека да се изгради регионалната депонија кај Новаци. Дехари исто така истакна дека го почитува гласот на граѓаните и дека се обидуваат да го направат најдоброто за нив.
ИЗВОР: ТВ 21
