Протечени документи открија кинеска фирма која хакирала странски влади, универзитети и НАТО

ИСТАНБУЛ (АА) – Хакерска фирма со седиште во Кина е обвинета од технолошки аналитичари дека таргетирала странски влади, универзитети и НАТО, пренесува Анадолу.

Според американската компанија за кибербезбедност „СентинелЛабс“, фирма поврзана со кинеската Влада, позната како I-Soon, „е одговорна за компромитирање на најмалку 14 влади, продемократски организации во Хонгконг, универзитети и НАТО”.

„За автентичноста на документите“, кои беа поставени на софтверскиот гигант ГитХаб (GitHub), „сè уште нема одлука“, истакна вчера „СентинелЛабс“.

Се додава дека фирмата за која станува збор има договори со многу кинески владини агенции, вклучително и Министерството за јавна безбедност, Министерството за државна безбедност и Ослободителната народна армија.

„СентинелЛабс“ својата анализа ја заснова врз „протечените податоци во текот на викендот на 16 февруари“.

„Не е познато ниту кој ги украл информациите ниту мотивите за тоа, но ова протекување дава прв поглед од ваков тип внатрешни операции на хакерски изведувач поврзан со Владата“, велат од компанијата.

„Протечените документи ѝ нудат на разузнавачката заедница единствена можност да ги преиспита минатите напори и да стекне подлабоко разбирање на сложениот пејзаж на кинеската закана“, се додава.

Компанијата за кибербезбедност, исто така, рече дека протечените документи покажуваат дека „изведувачи од трета страна играат значајна улога во помагањето и извршувањето на многу вакви операции на Кина во кибердоменот“.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.