Во битката со огнената стихија низ Грција помагаат пожарникари и средства од 11 земји
На две различни локации во грчката област Магнисија, вчера, во одделни случаи се пронајдени јагленосани тела на еден маж и една жена, јави МИА.
Според грчките медиуми, станува збор за жртви во големиот пожар активен од попладнето во конкретниот регион.
За пронајдените тела информираа од противпожарната служба на Грција.
Поради пожарот што изби вчера во близина на градовите Волос и Велестино во областа Магнисија, во текот на ноќта имаше превентивни евакуации на неколку населени места.
Паралелно, во Грција се уште сѐ активни пожарите на островите Родос, Крф и Евија.
На Родос гори веќе десетти ден, меѓутоа ситуација е значително подобрена во споредба со изминатите денови, додека пак на Евија и Крф пожарите речиси и да се ставени под контрола, иако се уште горат одредени помали жаришта
Портпаролот на противпожарната служба на Грција Јанис Артопиос вчера рече дека за 24 часа во земјата имало 61 нов пожар и истакна дека вчерашниот ден беше најтежок летово.
Посочи дека во битката со огнената стихија помагаат пожарникари и средства од 11 земји.
Извор: 360stepeni.mk
