Чуден, но не редок настан се случи во штипскиот затвор! Пред објектот пристигна автомобил. Сето тоа снимено на безбедносните камери, едно лице излегува од автомобилот и фрла предмет преку ѕидот на затворот. На 20 февруари околу 21:40 часот двајца затвореници со иницијали Ж.Ж. и Р.К. излегле во дворот на штипскиот затвор да бараат топка, за што подоцна полициските службеници разбрале дека се работи за количина на дрога наменета за затворениците. На снимката се гледа како еден затворски службеник им кажува дека не треба да бидат во тој дел од затворот во тоа време. Но, по наредба на претпоставениот, биле повикани и 4 затворски полицајци кои наместо да ги спречат, им се придружиле на затворениците во пронаоѓањето на дрогата со помош на батериски ламби. Како што рече Директорот на Управата за извршување на санкции, Александар Пандов, следниот ден била пронајдена топка во која имало 35 грама кокаин и 50 грама марихуана.
Од Уравата за извршување на санкции поднесоа кривична пријава во ОЈО за овој случај. Директорот Александар Пандов вели дека тоа покажува висока ниво на корпуција во сите затвори во државата. Додаде дека се идентификувани лицата кои управуваа со возилото и транспортираа товар со дрога.
По нардба на директорот е формирана дисциплинска комисија. Одлучено е дека тројца од полицајците, иако треба да бидат казнети, не биле виновни бидејчи верувале дека го бараат часовникот. Тројца членови на Дисциплинската комисија гласале дека не се виновни полицајците, рече Пандов и чека истрагата на обвинителството да го расфетли случајот.
ИЗВОР: ТВ 21
