Кандидатот за градоначалник на општина Прилеп, Дејан Проданоски, најави серија нови културни настани со цел да се заживее локалната уметничка сцена и да се поттикне креативноста кај младите.
„Ќе направиме нови културни настани за општина Прилеп! Работилници за мозаик, фестивал на стендап-комедија, музички рок фестивал и фестивал на уличната уметност. Настани што ќе ја збогатат нашата културна сцена и ќе поттикнат креативност кај младите,“ истакна Проданоски.
Со овие активности, Прилеп ќе добие нови можности за промоција на талентот, уметноста и современите културни изрази, што, според Проданоски, ќе придонесе за побогат и подинамичен градски живот.
