„Зимското јајце“, кое се смета за едно од најдобрите креации на јувелирот, вчера е купено од анонимен купувач, соопшти аукциската куќа „Кристи“.
Божиќен подарок за мајката царица
Јајцето е украсено со 4.500 дијаманти и е нарачано од царот Николај II во 1913 година како божиќен подарок за неговата мајка, царицата Марија Фјодоровна.
Претходниот рекорд за јајце Фаберже беше 8,9 милиони фунти, платено на аукција во 2007 година.
„Кристи“ соопшти дека продажната цена е нов светски рекорд за Фаберже, потврдувајќи го трајното значење на ремек-делото.
Изрезбано од камен кристал
Јајцето високо 8,2 сантиметри е создадено од Карл Фаберже, врз основа на дизајн на Алма Тереза Фил, една од само двете жени мајстори во компанијата за јувелири во Санкт Петербург.
Изрезбано е од камен кристал и украсено со дијаманти во форма на роза и мотиви од платина снегулки, а јајцето се отвора и открива мала корпа со букет бели кварцни цвеќиња внатре.
Јајцата се правеле од 1885 до 1917 година, кога царот Николај II бил принуден да абдицира.
Традицијата на јајца ја започнал царот Александар III, кој ѝ давал јајце на својата сопруга секој Велигден, додека неговиот наследник Николај II им давал подароци на својата сопруга и мајка.
Сменило сопственици неколку пати
По погубувањето на царот Николај II и неговото семејство во 1918 година, еден лондонски трговец го купил јајцето за 450 фунти кога осиромашените комунистички власти продале дел од уметничките богатства на Русија во 1920 година.
Се сменило во сопственост неколку пати и се верувало дека е изгубено две децении, сè додека не се појавило на аукција во Кристи во 1994 година, проценето на седум милиони швајцарски франци, и било препродадено во 2002 година за 9,6 милиони франци.
Куќата Фаберже направила само 50 јајца за руското царско семејство Романови, а Зимското јајце е едно од само седумте што останале во приватна сопственост.
Другите јајца или недостасуваат или се во сопственост на институции или музеи.
Извор: vecer.mk
