Принцот Хари: Тврдењата дека сум се пофалил со убиството на 25 талибанци се опасна лага

January 11, 2023
1 min read

Принцот Хари (38) во своите мемоари првпат зборуваше за бројот на бунтовници што лично ги убил за време на престојот во Авганистан, каде што беше во 2007 и 2008 година, како и во 2012 година. Принцот рече дека учествувал во шест мисии во кои биле убиени повеќе луѓе

Британскиот принц Хари изјави дека тврдењата дека се фалел дека убил 25 талибанскиот борци додека бил на должност во Авганистан во новообјавените мемоари се опасна лага, јавува Би-би-си.

Војводата од Сасекс, кој во војската беше познат како капетан Велс, напиша дека за убиените не размислува „како за луѓе, туку како за шаховски фигури кои ги отстранил од таблата, како лоши момци кои мора да се елиминираат“.

„Тоа не е статистика што ме прави горд, но ниту се срамам“,

изјави принцот Хари.

Сепак, Хари во изјава за американска телевизија ги обвини новинарите дека неговите зборови ги извадиле од контекст, наведувајќи дека спинувањето го загрозило неговото семејство.

Многу експерти се согласуваат дека има причини да се грижат за безбедноста на Хари по објавувањето на информациите за убиствата што ги извршил во Авганистан и сметаат дека поради тоа, но и поради неговото кралско потекло, тој лесно може да биде мета на терористите.

Принцот Хари истакна дека сака да го намали бројот на самоубиства на ветераните, да биде искрен за сопственото искуство во Авганистан и да им даде простор на ветераните да ги споделат своите искуства „без никаков срам“.

Принцот Хари (38) во своите мемоари првпат зборуваше за бројот на бунтовници кои лично ги убил за време на престојот во Авганистан, каде што беше во 2007 и 2008 година, како и во 2012 година. Принцот рече дека учествувал во шест мисии во кои биле убиени повеќе луѓе.

Принцот беше критикуван од некои поранешни британски воени функционери за убиствата спомнати во мемоарите, велејќи дека не е во ред талибанците да се нарекуваат „нечовечки суштества“ и „шаховски фигури“.

Критики пристигнаа и од талибанската влада.

„Западната окупација на Авганистан е навистина одвратен момент во човечката историја, а коментарите на принцот Хари се микрокосмос на траумите што Авганистанците ги претрпеа додека окупаторските сили убиваат невини луѓе без никаква одговорност“,

изјави портпаролот на авганистанското Министерство за надворешни работи, Абдул Кахар Балки.

Мемоарите на Хари беа објавени на 10 јануари и уште првиот ден беа купени околу 400 000 примероци, иако многу извадоци беа обелоденети во печатот пред официјалното објавување.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

ДАРАВЕЛСКИ ОСТАНУВА ВО ЗАТВОР – од судот велат дека казната за криминалот кој го сторил не застарела

Следно

САД: Приземјени сите авиони – дефект на компутерскиот систем за следење летови

Latest from Blog

Зеленски: Подготвен сум за средба со Путин без предуслови

Украинскиот претседател Володомир Зеленски, во интервју за „Скај њуз“ изјави дека е подготвен да се сретне со рускиот претседател Владимир Путин и со американскиот претседател Доналд Трамп, без никакви предуслови. „Колку што

За што најмногу го користиме ChatGPT?

Од секојдневни задачи до деловни одлуки – еве што вели истражувањето за тоа како 700 милиони луѓе го користат ChatGPT. OpenAI штотуку ги објави резултатите од својата најголема анкета досега за тоа

На 22-ри септември ќе биде објавена пресудата за онкологот Мери Пешевска

Основниот кривичен суд Скопје пресудата за второобвинетата за случајот Онкологија, онкологот Мери Пешевска која призна вина ќе ја објави на 22 септември. Пешевска заедно со поранешниот директор на Клиниката за онкологија Никола

Ѓорѓиевски: Почна изградбата на првата училишна спортска сала во Припор

радоначалникот на Кисела Вода, Орце Ѓорѓиевски, денес направи увид во градежните активности за изградба на првата училишна спортска сала во населбата Припор. Новата сала ќе биде сместена во дворот на ПОУ „Круме

Вучиќ: Трамп ме покани во Белата куќа

 Српскиот претседател Александар Вучиќ изјави дека американскиот државен секретар Марк Рубио побарал средба со него за време на неговиот претстоен престој во Њујорк, каде што ќе присуствува на Генералното собрание на ОН,
Go toTop