Руските државни медиуми неколкупати ја прекинуваа редовната програма со барање до граѓаните да не веруваат во дезинформациите. Ова имаше ефект како среде мирен авионски лет, патниците да го слушнат гласот на пилотот кој ги моли да не паничат. Се разбира, инстантно ги фаќа паника.
Обидот за државен удар на Јевгениј Пригожин е нож в грб, изјави рускиот претседател, порачувајќи дека обидот за бунт на првиот човек на приватната воена компанија Вагнер, Јевгениј Пригожин го гледа како предавство на Русија и нејзиниот народ.
Путин најави дека ќе преземе сè што треба за да ја одбрани својата земја, дека оние кои се решија на оружен бунт ќе одговараат и дека руските воени сили веќе ги имаат добиено сите неопходни наредби да преземат решителни акции и да ја стабилизираат ситуацијата.
Претходно, контроверзниот Пригожин, кој обезбедуваше кетеринг за Кремљ, во видео обраќање на Телеграм рече дека неговите Вагнеровци влегле во Ростов на (Тихиот) Дон, дека имаат воена контрола на градот од кој се мониторираат операциите на украинскиот фронт, го обвини рускиот воен врв дека убиваат негови луѓе, дека 25-те илјади војници на Вагнер се подготвени да умрат за Русија и навести дека е можно да тргнат на Моксва.
Ок, Москва е 1.077 километри од Ростов ама тоа на Путин не му менува ништо: Секој кој со оружје тргнал на руската армија, ќе го јаде, порача рускиот претседател.
На терен, во Москва, ситуацијата изгледа малку надреално. Да, тенкови се на улица, ама ништо без метла.
Но, ако Москва изгледа надреално, пазете ја тек оваа сцена од Ростов. Тип на точак шиба покрај воени и цивилни возила, рокајќи ја на цел глас: “Because I got high”. Цар.
По онаа теза дека сето ова е руска игра, Пригожин и сега го прави она што секогаш го прави: ќе ескалира реторика и ќе создаде илузија на хаос во руските редови за да се прикријат некои тактички маневри. Дека и во оваа епизода е синхронизиран со Путин за Русите да започнат офанзива или да ја намамат Украина да нападне.
Така беше во Бахмут кога тврдеше дека Русија не му дава муниција, дека ќе ги повлече војниците, дека ја бара главата на Шојгу… за пар дена подоцна да се сврти и да го заземе Бахмут.
А додека ситуацијата се спука или се смири, душа треба да се рани. Војници на Вагнер нарачуваат храна во екс МекДоналдс, денес „Вусно и точка.“
ИЗВОР: off.net.mk
