Претседателот на Собранието Африм Гаши, ги распиша локалните избори кои ќе се одржат на 19 октомври.
Гаши го потпиша Решението за распишување на осмите локални избори, согласно член 12 став 4 од Изборниот законик, почитувајќи го рокот од 70 до 90 дена од распишување до одржување на изборите.
Првиот круг за избор на градоналачници на советите на 80 Општини и Градот Скопје ќе се одржи на 19 октомври.
Вториот круг треба да се одржи на 2 ноември, во оние единици од локалната самоуправа каде што изборите нема да завршат во првиот круг.
„Ова решение го доставив до надлежните органи за организирање и спроведување на изборите и очекувам максимален ангажман за реализација на чесен и демократски процес. Ве информирам дека во текот на изборната кампања, која започнува 20 дена пред одржувањето на изборите, Собранието ќе продолжи со редовното административно функционирање, но нема да одржува пленарни седници. Оваа одлука има цел да се избегне злоупотребата на собраниската говорница за изборни цели и да им овозможи на пратениците целосно да се посветат на комуникацијата со граѓаните“, кажа денеска Гаши.
ИЗВОР: ТВ 21
