Премиерот Мицкоски со дел од Владата во посета на Унгарија: Положи венци на Меморијалниот споменик на унгарските херои

За време на посетата на Унгарија, во Будимпешта премиерот Христијан Мицкоски денеска положи венци на Меморијалниот споменик на унгарските херои.

„Нека ова положување венци биде симбол на пријателството, благодарноста и заедничките вредности што ги споделуваат Северна Македонија и Унгарија“, се вели во објавата на Фејсбук-страницата на премиерот Мицкоски.

Од фотографиите објавени на Фејсбук се гледа дека со Мицкоски во Будимпешта се присутни само дел од министрите и заменик-министрите во Владата.

Во владината делегација која денес и утре ќе учествува на унгарско-македонскиот владин самит се министрите од ВМРО-ДПМНЕ и коалицијата „Твоја Македонија“, но не и министрите од ЗНАМ и коалицијата „ВРЕДИ“.