Алијанса за Албанците на Арбен Таравари остана со еден пратеник помалку.
Пратеничката Мимоза Муса преку статус на Фејсбук изјави дека нема да ја изневери довербата која ја добила од 107 илјади Албанци како пратеничка на АА во листата на коалицијата ВРЕДИ.
„Денес, во оваа политичка клима која е нарушена, сакам да бидам јасна со вас: Јас сум пратеничка на Алеансата за Албанците. Довербата што ми ја дадовте, нема да ја изневерувам. Не сум тука за лични интереси, туку за да им служам со достоинство и одговорност на секој гласач кој веруваше во оваа мисија. Промената започна и ние ќе ја движиме понатаму“.
Но, Таравари не беше вознемирен од нејзиниот потег.
Мимоза отиде, дали сте вознемирени?
Таравари: „Не, воопшто. Секој има свое убедување. Како што мисли, така постапува.“
Ова изјава претседателот на АА, Арбен Таравари, ја даде пред да влезе во вонредната седница на Собранието што се одржа во Куманово. Тука беше потврдено дека веќе не се дел од коалицијата ВРЕДИ и Владата. Беа исклучени и 8 членови на раководството кои, како што изјави Таравари, се изјасниле против АА. Исто така, беше разрешен и претседателот на партиското собрание, Арбен Фетаи, кој одлучи да остане во Владата, а наместо него беше избран Назим Таипи. За Мимоза Муса не беше донесена одлука, бидејќи, како што рече Таравари, не било јасен нејзиниот став, дали ќе остане со АА или со ВРЕДИ.
„Изразуваме јавна благодарност за г-ѓа Муса и и посакуваме понатамошни успеси за достоинствено застапување на интересите на албанските граѓани“
Позицијата на пратеничката Муса доаѓа по оставката на пратеникот Салим Сулејмани, чија позиција во Собранието беше заземена од Валбона Адили-Емини од Движење Беса, која е дел од коалицијата ВРЕДИ. Сега, АА на Таравари има три пратеници во Собранието.
Одлуката на Таравари да ја напушти Владата доведе до нови фракции во веќе поделената партија, по разделбата која се случи пред една година, кога една група го поддржа Зијадин Селу, а друга Арбен Таравари. Како реприза, истото се случи и сега со крилото на Таравари, каде не сите ја прифатија одлуката да се излезе од Владата, па останаа во Влада. Синоќа, Таравари им порача на Движење Беса и ДД, дека многу брзо многу членови од нивните партии ќе преминат во АА.
ИЗВОР: ТВ 21
