Најголемиот дел од евакуираните, односно 16 000 лица, со возила биле евакуирани по копнен пат и пренесени на безбедни локации. Останатите 3 000 лица, пак, биле евакуирани од островот по воден пат со чамци и бродови
Според дописничката на МИА од Атина, засега, меѓу туристите нема македонски државјани кои побарале помош од македонската амбасада во Грција
Шумскиот пожар на грчкиот остров Родос, кој веќе шести ден е вон контрола, принуди илјадници туристи, но и локалци, да да ги напуштат домовите и хотелите во кои се сместени. Превентивно се евакуирани над 19 000 лица, што според грчките медиуми, е најголемата акција за евакуација на жители и туристи во Грција.
Најголемиот дел од евакуираните, односно 16 000 лица, со возила биле евакуирани по копнен пат и пренесени на безбедни локации. Останатите 3 000 лица, пак, биле евакуирани од островот по воден пат со чамци и бродови.
Според дописничката на МИА од Атина, засега, меѓу туристите нема македонски државјани кои побарале помош од македонската амбасада во Грција. Дописничката дополнително информира дека амбасадорката на С Македонија во Грција е во постојан контакт со македонсктото МНР и со грчките надлежни институции.
Во меѓувреме, грчкото Министерство за надворешни работи ја активираше својата единица за управување со кризи за да им понуди помош на странците кои сакаат да ја напуштат земјата.
Пожарот на Родос пеплоса делови од густа шума откако избувна во вторникот во планинскиот регион.
Властите за цивилна заштита предупредија на многу висок ризик од шумски пожари во Родос и многу други области во Грција за денеска, бидејќи се очекува температурите да достигнат до 45 Целзиусови степени поради топлотниот бран кој ја зафати земјата. Метеоролозите за денеска најавуваат и силни налети на ветер, што може дополнително да ги отежни напорите на пожарникарите во борбата со огнените јазици.
Пожарите се вообичаени во Грција, но сè потоплите, посуви и ветровити лета ја претворија земјата во жариште за шумски пожари во последните години.
Извор: 360stepeni.mk
