Во изминатите две – три години Арсенал имаше проблеми, и тоа какви со повредите, затоа и не освои титула во ПЛ. Оваа сезона тимот на Микел Артета има далеку поголем ростер, но старата болка одново е тука. Повредите никако да го одминат клубот од „Емирејтс“.
Според Микел Артета, Арсенал влегол во фаза која би можела целосно да го промени текот на нивната сезона.
Тренерот на Арсенал призна дека клубот е оптоварен со повреди на ниво што ретко се гледа во Премиер лигата.
Со дури 26 регистрирани повреди, Арсенал е вториот најзагрозен тим во Англија, веднаш по Лидс. Моментално, три централни бекови и двајца напаѓачи се надвор од игра, а меѓу повредените е и 15-годишниот Макс Дауман, кој почина на натпревар за тимот до 21 година.
Деклан Рајс, најоптоварениот играч во сезоната, ќе го пропушти следниот натпревар, но поради болест, а не повреда. Освен него, Салиба, Габриел, Москера, Тросард и Хаверц се недостапни, што дополнително ги намалува ротациите.
Во саботата, Арсенал го доживеа првиот пораз по 18 натпревари, против Астон Вила со резултат од 2:1.
После тоа, Артета отворено призна дека ритамот е премногу тежок и дека се плаши од последиците.
„Кога ви недостасува играч, премногу ги оптоварувате другите. Тоа е многу опасен циклус. Нашиот фокус е да ги вратиме, бидејќи доаѓа период што може да ја одлучи сезоната“, предупреди тренерот на Арсенал.
Арсенал сè уште е во конкуренција на четири фронта, но нивниот распоред станува сè потежок како што тимот станува потенок.
Во следниот период, тие имаат судир со Ливерпул и Астон Вила, гостувања кај Евертон и Борнмут, како и натпревари од Карабао Купот со Кристал Палас и натпревари од ФА Купот против Портсмут.
Арсенал влегува во период кој, според Артета, би можел да ја одлучи целата сезона, со најтенок состав досега.
Извор: vecer.mk
