Повеќе од 20 000 загинати во катастрофата во Турција и во Сирија, спасувачките операции се во тек

February 9, 2023
1 min read

Спасувачките тимови трагаат по преживеани во илјадници урнатини од згради, и покрај студеното време и по стотината последователни потреси во регионот

Осумгодишниот Југит по 52 часа беше извлечен жив и здрав од под урнатините во Турција / Фото: EPA-EFE/ERDEM SAHIN

Повеќе од 20 000 луѓе загинаа, а илјадници се повредени во земјотресот со јачина од 7,8 степени според Рихтеровата скала што во понеделникот ги погоди Турција и Сирија, покажуваат најновите податоци објавени од официјални лица во тие земји.

Спасувачките тимови трагаат по преживеани во илјадници урнатини од згради, и покрај студеното време и по стотината последователни потреси во регионот.

Бројот на загинати во Турција од разорниот земјотрес достигнал 17 134, со што вкупниот број на загинати во Турција и во Сирија достигна 20 451. Турскиот претседател Реџеп Таип Ердоган денеска рече дека во Турција биле повредени 64 194 лица.

Бројот на загинати во Сирија е најмалку 3 317, вклучително и 1 930 во областите на северозападот, под контрола на бунтовниците, соопштија „Белите шлемови“. Вкупно 1 262 смртни случаи се регистрирани во делови од земјата под контрола на сирискиот режим, објавија државните медиуми.

Најмалку 28 044 луѓе се евакуирани од Кахраманмараш, една од јужните турски провинции најтешко погодени од земјотресот во понеделникот, соопшти Турската агенција за управување со катастрофи.

Спасувачите продолжија да ги извлекуваат од урнатините луѓето кои беа заробени со денови, вклучително и една млада девојка заробена три дена.

Турција објави дека добила ветувања за помош од 95 земји и 16 меѓународни организации, а 6 479 спасувачи од 56 земји веќе биле активни во 10-те провинции погодени од земјотресот, додека тимови од уште 19 земји ќе бидат подготвени за помош во наредните 24 часа.

Турската агенција за управување со катастрофи, АХАД, соопшти дека регистрирала речиси 650 последователни потреси од двата земјотреси, што ги прави спасувачките напори уште потешки и опасни додека екипите за вонредни состојби пребаруваат под урнатините.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Пожар избувнал во напуштена куќа на улица „Ѓуро Ѓоновиќ“ во Маџир маало.

Следно

Од месец мај, нема повеќе пушење џоинт на јавни места во Амстердам

Latest from Blog

Редарите на „Енфилд“ спречија најсрамна сцена: Симеоне тргна во пресметка со навивачите (ВИДЕО)

Сјаен натпревар во рамките на 1. коло од Лигата на шампионите на „Енфилд“ одиграа екипите на Ливерпул и Атлетико Мадрид. Токму кога помисливме дека по петте постигнати голови и драматичната завршница на

Чудото Пафос, голеада во Прага за реми!

Фото: Славија Прага Х Олимпијакос не ја оправда фаворитската улога против дебитантот во Лигата на шампиони, Пафос, откако во Атина одиграа без голови 0-0. Колку беше немоќен грчкиот тим говори и фактот

Пронајдени шест деца заклучени во магацин во Милвоки

Шест деца, меѓу кои и едно двомесечно бебе, беа пронајдени заклучени во магацин во Милвоки, најнаселениот град во американската држава Висконсин. Полицијата реагирала откако добила пријави за деца заклучени во магацин. На

Зеленски: Ракети за западните ПВО системи ќе бидат дел од првата испорака во рамките на механизмот на НАТО за купување оружје од САД

Украинскиот претседател Володимир Зеленски денеска изјави дека ракети за западните системи за воздушна одбрана ќе бидат дел од првичните испораки на американско оружје што ќе го платат земјите од НАТО во рамките
Go toTop