ИСТАНБУЛ (АА) – Бројката на убиени во нападите што израелската војска ги изведува врз Појасот Газа од 7. октомври е зголемен на 12.300, меѓу кои 5.000 се деца, а 3.300 се жени, известува Анадолу.
Канцеларијата за медиуми на Владата во Газа синоќа ги сподели најновите информации во врска со вкупниот број на загинати и ранети во бомбардирањата на Појасот Газа 43. ден од нападите.
Според последните информации, 12.300 луѓе загинаа во израелските бомбардирања кои започнаа на 7. октомври. Според овие податоци, меѓу загинатите 5.000 се деца, а 3.300 се жени.
Во извештајот се наведува дека во израелските напади се убиени 200 лекари, медицински сестри и вработени во итната помош и 22 припадници на цивилната одбрана. Канцеларијата за медиуми соопшти дека се повредени повеќе од 30.000 лица.
Бројката на жртвите во врска со телата на загинатите што се наоѓаат под урнатините и лешовите по улиците надмина 6.000, од кои 4.000 се жени и деца.
