Познатиот
теоретски физичар и космолог, професорот Стивен Хокинг (1942-2018), постојано
предупредувал во текот на својот живот за тоа што би можело да го доведе
човештвото на работ на опстанок.
На самитот
Tencent WE 2017, Хокинг зборуваше за иднината и предупреди дека до 2600 година,
планетата би можела да стане пренаселена, додека потрошувачката на енергија би
била толку голема што, како што објавуваат медиумите, Земјата ќе „свети
црвено“.
Долгорочни ризици
Хокинг
додаде дека нема знаци дека научниот и технолошкиот напредок ќе се забави во
догледна иднина, но исто така нагласи дека експоненцијалниот раст не може да
трае вечно.
Познатиот
физичар ја истакна брзината со која човештвото создава нови информации и научни
дела, наведувајќи дека количината на податоци се зголемува толку брзо што
станува тешко да се биде во чекор со сите нови содржини.
Во неколку
јавни настапи, Хокинг предупреди дека прекумерниот раст на населението и
потрошувачката на ресурси би можеле да претставуваат долгорочни ризици за
човештвото, вклучувајќи нуклеарна војна, еколошки катастрофи и потенцијални
ризици од новите технологии, доколку нивниот развој не биде регулиран.
Иднината на човечкиот вид
Во интервју
за Би-би-си во 2016 година, Хокинг рече дека,
иако веројатноста за глобална катастрофа за една година е мала, во текот на
илјадници години оваа веројатност станува речиси сигурна.
Тој особено
ги издвои климатските промени и ефектот на стаклена градина како клучни закани
за опстанокот на човештвото, објавува Унилад.
Во
подоцнежните години, Хокинг нагласи дека иднината на човечкиот вид може да
зависи од развојот на вселенските патувања и можноста за колонизација на други
планети, што го сметаше за еден од начините за обезбедување долгорочен
опстанок.
Извор: vecer.mk
