Во октомври 2024 година, бројот на издадени одобренија за градење порасна на 363, што претставува зголемување од 11.7% споредено со истиот месец минатата година, покажуваат податоците на Државниот завод за статистика.
Предвидената вредност на овие објекти изнесува 8.47 милијарди денари, што е за 12.3% повеќе во однос на октомври 2023 година.
Од издадените одобренија, 216 или 59.5% се наменети за објекти од високоградба, 75 (20.7%) за нискоградба, и 72 (19.8%) за реконструкција.
Инвеститорите се поделени на физички лица, кои учествуваат со 61.4% (223 објекти), и деловни субјекти, кои вложуваат во 38.6% (140 објекти) од градежните проекти.
Во текот на овој период се планира изградба на 913 станови со вкупна корисна површина од 81 247 м².
ИЗВОР: racin.mk
