Синоќа, Врховниот суд на Бразил формално го заврши случајот на поранешниот претседател на земјата, Жаир Болсонаро, и му наложи да започне со издржување на затворска казна од 27 години и три месеци во полициска станица во Бразилија.
Тој ќе ја одлежи казната во ќелија од 12 квадратни метри. Покрај Болсонаро затворска казна ќе одлежат и негови шест соучесници во планирањето на државниот удар по поразот на претседателските избори во 2022 година.
„Психолошки е уништен“, рече синот на претседателот Карлос Болсонаро, кој го посети својот татко.
Судската постапка беше завршена од страна на Врховниот суд, со штозатворската казна стана конечна. Судот ја отфрли жалбата на екс претседателот.
Болсонаро беше осуден во септември за заговор за државен удар откако ги загуби претседателските избори во 2022 година од актуелниот левичарски претседател Луиз Инасио Лула да Силва.
Извор: tv21
