ЛОС АНЏЕЛЕС (АА) – Полицијата на Лос Анџелес, Соединетите Американски Држави (САД) интервенираше против ерменските демонстранти кои се обидоа да предизвикаат провокации за време на конференција за Туркије, јавува Анадолу.
Полицијата мораше да интервенира кога ерменска група се обиде вербално и физички да предизвика провокации во зградата каде што се одржува конференција организирана од Институтот „Јунус Емре“ (YEE) и Школата за комуникации и новинарство „Аненберг“.
Конференцијата насловена „Улогата на јавната дипломатија во турската надворешна политика“ се одржа во рамките на Форумот Шеиндлин, а модератор беше д-р Роберт Бенкс од Мастер програмата на „Аненберг“.
На собирот присуствуваа и турскиот амбасадор во Вашингтон, Хасан Мурат Мерџан, генералниот конзул на Азербејџан во Лос Анџелес Рамил Гурбанов, претседателот на Институтот „Јунус Емре“ проф. д-р. Шереф Атеш, програмскиот директор на Центарот Вилсон за Блискиот Исток, Џејмс Џефри, и други говорници.
На самиот почеток на настанот полицијата го отстрани демонстрантот од салата откако ги навредуваше Азербејџан, Туркије и организаторите.
По воведните говори, група од 11 студенти почнаа да протестираат кога на говорницата излезе турскиот амбасадор Мерџан.
Исто така, еден демонстрант му упати навредливи зборови на генералниот конзул на Азербејџан во Лос Анџелес, Рамил Гурбанов.
Десетминутниот протест на групата заврши со интервенција на обезбедувањето на кампусот и полицијата, па групата демонстранти беше отстранета од салата.
Во продолжение на конференцијата, група демонстранти собрани пред зградата се обиде со правење врева да го нарушат одржувањето на научниот собир.
– Судирите во светот –
Турскиот амбасадор Мерџан во своето обраќање на конференцијата истакна дека гледајќи ја географската карта, најмногу судири во светот се случуваат околу Блискиот Исток.
Тој напомена дека е јасно што треба да се направи во овие тешки времиња.
„Затоа државите треба да соработуваат и да развијат нови идеи за решавање на проблемите“, додаде тој.
Мерџан рече дека надворешната политика на Туркије се заснова на принципот на Мустафа Кемал Ататурк „Мир дома, мир во светот“ и нагласи дека Туркије од своето основање пристапува кон сите сегменти на општеството со длабока почит.
Проф. д-р Атеш рече дека постојат многу форми на дипломатија, како што се големите глобални самити на кои присуствуваат светските лидери за да разговараат за итни политички прашања.
По завршувањето на конференцијата, демонстрантите физички и вербално ги нападнаа претседателот на Институтот „Јунус Емре“, Атеш, турскиот аташе за верски прашања во Лос Анџелес, Исмаил Демирезен и директорот на О3 Медија, Санер Ајар.
