Тренерот на Јувентус, Масимилијано Алегри, откри дека напаѓачот Душан Влаховиќ ќе стартува на мечот со Лацио во Купот на Италија, но исто така и дека играчот од средниот ред Пол Погба заработил уште една повреда.
„Ќе го изберам стартниот состав. Покрај Леонардо Бонучи, друг недостапен играч е Погба, кој има мускулен проблем. Влаховиќ сигурно ќе стартува, јас треба да одлучам за останатите стартери. Натпреварот може да трае 120 минути, па замените ќе бидат важни. “, изјави Алегри.
Тренерот на „старата дама“ се пожали дека оваа сезона тимот се мачи со многу повредени фудбалери.
„Многу фудбалери мораа да се справат со долготрајни повреди. Федерико Киеза беше надвор од терените десет месеци, а Пол Погба нема играно од април. Потребно е време за да се врати во форма, како што се случи со Киеза, кој мораше да застане на нозе и да почне одново. На Погба исто така ќе му треба време, никој не може да прави чуда. Неговото тело мора да се прилагоди. Мораме да го искористиме мудро и во вистинско време кога ќе биде фит. А тој сега повторно е повреден“, нагласи Алегри.
ИЗВОР: kurir.mk
