Покрената истрага против францускиот полицаец кој уби тинејџер

Според досегашната истрага, немало законски услови за употреба на оружје. Снимките од надзорните камери и изјавите на сведоците овозможија реконструкција на околностите, се додава во соопштението за печатот

Државното обвинителство во Франција отвори официјална истрага за убиство од небрежност против полицаец кој застрела тинејџер за време на сообраќајна контрола во близина на Париз.

Според досегашната истрага, немало законски услови за употреба на оружје. Снимките од надзорните камери и изјавите на сведоците овозможија реконструкција на околностите, се додава во соопштението за печатот.

#nanterre #police #fuite pic.twitter.com/TjKuvGLWda

— Ohana (@Ohana_Fgn) June 27, 2023

Според обвинителите, 17-годишникот во вторникот наутро возел со голема брзина во Нантер со двајца патници во возилото и преминал на автобуската лента. Првиот обид на двајца полицајци на мотори да го запрат на семафор, не успеал.

Младиот човек возел и покрај црвеното светло и продолжил да бега по патиштата, соопштија од државното правобранителство.

Кога малку подоцна полицијата го фатила и го запрела, двајцата го впериле оружјето кон тинејџерот на ниво на возачката врата и побарале да го исклучи моторот.

Кога осомничениот ненадејно тргнал со автомобилот, еден полицаец испукал куршум, се вели во соопштението.

Снимката на мобилен телефон на сведок од инцидентот, потврдена од Франс Инфо, покажува како полицаец вперува пиштол кон возачката врата на запрен автомобил.

Кога младиот човек зад воланот ненадејно тргнал, полицаецот пукал од непосредна близина и смртно го ранил.

Убиството предизвика бес и немири во земјата.

Сто и педесет лица се уапсени во Франција по втората ноќ на национални немири, изјави во четвртокот министерот за внатрешни работи Џералд Дарманин, откако сообраќајната полиција застрела 17-годишно момче.

Полициската употреба на смртоносна сила во работничкото париско предградие Нантер против тинејџер, кој има северноафриканско потекло, влијаеше на длабоко вкоренетата перцепција за полициската бруталност во етнички различните населби на најголемите градови во Франција.

Поради немирите, претседателот Емануел Макрон свика кризен состанок на владата. На почетокот на состанокот Макрон рекол дека е неоправдано насилството што се шири низ Франција втор ден по ред откако полицаец застрела 17-годишно момче во предградие на Париз. Тој рекол и дека фаталното убиството на тинејџерот не е за простување.