Развојот на вакцина против рак се одвива според планот, меланомот ќе биде првата болест што ќе се лекува, изјави денес рускиот министер за здравство Михаил Мурашко.
„Сè оди според планот, како што е планирано, и тоа нè прави многу среќни. Првото нешто што ќе го кажам е дека изградивме објект за истражувачки институт. Првата болест за која ќе почнеме да произведуваме овие лекови е меланомот“, изјави тој за телевизијата „Русија 1“, пренесува Интерфакс.
Според него, се спроведуваат низа процедури со цел да се идентификуваат добиените мутации, по што се избира и се произведува специфичен препарат на mRNA, терапевтска вакцина, која се применува на пациентот.
Мурашко додаде дека се користат и имуностимулативни лекови.
„Го принудуваме телото да се бори против туморот со зајакнување на неговата одбрана. Ова е пристап кон мобилизирање на внатрешните сили на телото“, истакна тој.
Лекување и во Србија
За потсетување, Министерството за здравство на Русија издаде одобренија за клиничка употреба на mRNA вакцина за третман на меланом и пептидна вакцина за малигни тумори.
Кон средината на октомври, руски научници им ја претставија на српските експерти најновата mRNA вакцина против рак.
Станува збор за државен проект од национално значење што се спроведува под директно покровителство на рускиот претседател Владимир Путин.
Министерот во Владата на Србија задолжен за меѓународна економска соработка и општествената положба на црквата во земјата и во странство, д-р Ненад Поповиќ, потоа се сретна со делегацијата на Националниот истражувачки центар за епидемиологија и микробиологија „Н.Ф. Гамалеј“, Министерството за здравство на Русија и Рускиот фонд за директни инвестиции, предводена од академикот на Руската академија на науките, проф. д-р Александар Леонидович Гинзбург.
Целта на посетата на руската делегација на Србија беше да се разгледа можноста за воспоставување соработка во областа на науката и медицината.
Во рамките на овој проект, беше формиран конзорциум составен од 17 водечки руски научно-истражувачки институти и универзитети, кои заеднички работат на развој на нови терапии во областа на онкологијата, имунологијата и генетиката.
Министерот истакна дека желба на Република Србија е оваа иновативна терапија да им биде достапна на онколошките пациенти во Србија, а доколку се оствари соработка, Србија би можела да стане првата земја, по Русија, каде што оваа вакцина ќе им биде достапна на пациентите.
Извор: vecer.mk
