Преговорите за формирање влада се движат во вистинската насока. Ова е коментарот на претседателот на ВМРО-ДПМНЕ Христијан Мицкоски, кој заедно со потпретседателите на партијата, престојуваше над два и пол часа во канцелариите на коалицијата ВРЕДИ, каде се разговараше за формирање на владата, беше пречекан од лидерите на албанската опозиција, Арбен Таравари, Изет Меџити, Билал Касами и Африм Гаши.
Мицкоски не даде детали за тоа дали на средбата се разговарало за поделба на ресорите или за прашањето на уставните измени. Најави дека јавноста ќе биде информирана преку соопштение.
Од коалицијата не соопштија детали за средбата, туку само изјавија дека разговорите се одвиваат во вистинска насока.
„Како што сте сведоци и денес, во канцелариите на ВРЕДИ беа претставници на политичката партија ВМРО-ДПМНЕ,на средба за започнување преговори со лидерите на коалицијата ВРЕДИ. Преговорите се одвиваат во вистинска насока и подоцна ќе ја информираме јавноста со деталите”, рече Башким Бакиу, коалицијата ВРЕДИ.
Лидерот на ВМРО-ДПМНЕ, Христијан Мицкоски, вчера оствари средба со претставници на партиите од коалицијата „Твоја Македонија“, со кои заедно настапија на парламентарните избори. Заменик претседателот на партијата, Тимчо Муцунски, во интервју за Алсат вели дека на средбата се разговарало за трите главни постулати на следната влада, а тоа се економскиот развој, владеењето на правото и патот на интеграцијата на земјата во Европската Унија. Истите постулати ќе бидат дел од преговорите со коалицијата ВРЕДИ./Алсат.мк
Суад Бајрами
Извор: alsat.mk
