Почна склучувањето договори за новата реколта тутун со нови цени

March 3, 2025
1 min read

Од денеска почнаа да се склучуваат договори за новата реколта тутун. Тутунарите со 10-те откупувачи ќе склучат договори за преземање на годинашново производство по нови цени.

– Законски, од денеска почна склучувањето договори. Мислам дека има интерес, ама сега тутунарите ќе бираат со кој откупувач ќе склучат договори во зависност од понудените цени. Очекуваме годинашнава реколта да биде од 20 000 до 22 000 тони, а тутунот да се засади на околу 16 000 хектари. Очекуваме и зголемен број договори, рече Кире Ристески, претседател на Сојузот на тутунските здруженија.

Цените што ги понудија откупувачите, по последните преговори со Сојузот, се движат од 414 до 420 денари за прва, од 312 до 360 за втора и од 250 до 300 денари за трета класа. Сојузот побара 510 за прва, 450 за втора и 390 за трета класа, но откупувачите не се согласија на тоа.

-Ќе ги видам сите цени на откупувачите, па ќе решам со кого да склучам договор. Се разбира, кој нуди највисока цена. Инаку, лани имав два тони тутун и сметам и годинава на толкаво производство, можеби нешто повеќе. Ќе видиме со цените, вели прилепскиот тутунопроизводител Стојан Мантов.

И во подрачната единица на Министерството за земјоделство, каде што се пријавуваат парцелите со тутун, очекуваат зголемен интерес.

-Земјоделците мора да ги внесат парцелите за производство на тутун за да склучат договори. Дел од нив ги внесоа, уште примаме барања од заинтересираните земјоделци, а според интересот, тој е поголем од лани, рече Николче Карапеески, раководител на подрачната единица во Прилеп.

Од Прилепскиот комбинат годинава ги зголемуваат количествата тутун што ќе ги откупат. Понудиле повисока цена во споредба со други откупувачи и очекуваат поголем интерес на кооперантите.

-Годинава ќе ги зголемиме количествата на над 2 000 тони, во споредба со ланските 1 750 тони откупен тутун. Се надеваме на поголем интерес кај кооперантите зашто понудивме највисоки цени – за прва класа 420, за втора 360 и за трета класа 300 денари, изјави Александар Алексоски, директор на Тутунски комбинат – Прилеп.

Од Сојузот на тутунските здруженија велат дека не се откажуваат од барањето за повисоки цени на тутунот и ќе го бараат тоа наесен, пред откупот со анекси на договорите.

ИЗВОР: kurir.mk

MARKETING

MARKETING

Претходно

АД МЕПСО и АД ЕСМ заедно работат на развојот на преносната мрежа и интеграцијата на обновливите извори на енергија

Следно

Ердоган: Безбедноста на Европа е незамислива без Туркије

Latest from Blog

Претседателката на ДКСК осомничена во случајот “Адитив” – барање за мерки на претпазливост

Претседателката на Државната комисија за спречување на корупцијата, Татјана Димитровска, е меѓу трите нови осомничени лица во проширената истрага за предметот „Адитив“, потврдија од Обвинителството. Како што се наведува, во рамките на

– Продолжува бунтот на културните работници – не прифаќаат пониска пресметка на плата

Културните работници незадоволни од доскорешниот нивни колега а сега министер за култура и туризам, Зоран Љутков. Голем број на директори по јавните установи од областа култура одбиваат да дадат задолженија за пресметка

Турскиот министер Фидан: Туркискиот свет ќе продолжи да стои покрај кипарските Турци

ИСТАНБУЛ (АА) – Турскиот министер за надворешни работи Хакан Фидан денес предупреди дека напорите за слабеење на односите меѓу Туркије и туркискиот свет ќе завршат со неуспех, јавува Анадолу. Говорејќи на заедничката

Индија ги повика своите граѓани во Пакистан да се вратат во земјата што е можно побрзо

ЊУ ДЕЛХИ (АА) – Индија денес побара од своите граѓани кои го посетуваат Пакистан да се вратат дома „најбрзо што можат“, по еден ден откако еднострано го суспендира билатералниот пакт за споделување
Go toTop