Почина Александар Карадаковски управителот на дискотеката „Пулс“ кој се лекуваше во Литванија

Пожарот кој избувна во дискотеката „Пулс“ во Кочани ја зема и 60-тата жртва.

Почина Александар Карадаковски, кој бил управител на МММ Кафе ДООЕЛ само на хартија, a во реалност работел како келнер во дискотеката „Пулс”.

Карадаковски починал во Литванија на лекување и е 60-та жртва од трагедијата којашто го погоди Кочани и Македонија.

Вечерта кога избувна пожарот во дискотеката „Пулс“ во Кочани настапуваше групата ДНК. Во пожарот починаа членови кои доаѓаат од бендот, меѓу кои и пејачот на бендот Андреј Ѓоргиески.

Во пожарот вечерта загинаа 59 лица, а речиси 200 се повредени.

Повеќе информации се очекуваат на денешната прес-конференција на министерот за здравство, Арбен Таравари.