Лидерот Шкендија и второпласираниот Силекс не ја искористија предноста од домашниот терен и освоија по бод во денешното 29. коло во Првата македонска фудбалска лига (ПМФЛ), во рамки на кое не се доигра дуелот меѓу Гостивар и Работнички, откако домашниот тим го напушти теренот.
На стадионот во Маџари, Работнички со пресврт дојде до водство од 2-1, а незадоволни од судиските одлуки фудбалерите на Гостивар по консултации со клупското раководство го напуштија теренот во 76 минута.
Ова е втор ваков инцидент на натпреварите од ПМФЛ, откако во претходното коло од теренот се повлекоа и фудбалерите на Воска на натпреварот против Вардар. Дисциплинската комисија на Фудбалската федерација на Македонија ја санкционираше Воска со одземање девет бодови, по што охридскиот клуб објави дека се повлекува од натпреварувањето во ПМФЛ и нема да го одигра утрешниот дуел против Брера.
Во натпревар со шест голови, тетовска Шкендија и Шкупи (3-3) попладнево ги поделија бодовите, а без голови заврши дуелот во Кратово меѓу Силекс и Струга. Пелистер извојува домашна победа над Тиквеш со 1-0.
ПМФЛ: 29 коло
Шкендија – Шкупи 3-3
Пелистер – Тиквеш 1-0
Силекс – Струга 0-0
Гостивар – Работнички 1-2 (прекинат натпревар)
Вардар – Беса 3-1 (одиграно в сабота)
Табела: Шкендија 63, Силекс 59, Работнички 52 (-1), Гостивар 48 (-1), Струга 47, Вардар 35, Шкупи 34, Пелистер 32, Брера 27 (-1), Тиквеш 26, Беса 24, Воска 13 (-1).
Извор: kurir.mk
