На првата седница за оваа година пред пратениците се 5-те интерпелации. Прва точка е интерпелацијата на Илире Даути поднесена од Левица за оценување на нејзината работа како претседателката на Комисијата за социјални политика и откако таа одлучи да не го стави на дневен законот за бранители.
„Претседателката на Комисијата за социјална политика противделовнички не одржа седница на Комисијата кога за тоа беше задолжена од претседателот на Собранието. Не свика седница за законот за бранителите кога тоа од неа ја побараа една третина од членовите на Комисијата, согласно член 126 став 2 од Деловникот на Собранието“, рече Амар Мециновиќ од Левица.
Даути пак рече дека оваа интерпелација има за цел да покаже демонстрирање на сила и диктат кон работата на пратениците кои различно размислуваат.
„Нема да прифатам еден дел од популацијата да не се третира на еднаков начин иако се тие еднакви учесници и во државата и во буџетските приходи. Најдовте токму нашето барање за да ги третираме и војниците на ОНА еднакво како и безбедносните сили, ова ви беше причина за да покренете интерпелација? Какви лудости.“, рече Даути.
За аргументациите на 4-те иницијативи за интерпелации од Европскиот фронт пред почетокот на седницата со став излезе Рина Ајдари.
„Во последниот период сведоци сме на зголемување на тензиите меѓу етичките заедници особено по неколку процеси, провокации и насилни настани што се случија во земјава вклучително во Скопје и во Куманово. Она што е повознемирувачко е начинот на кој оваа ситуација беше менаџирана од Владата предводена од функционери кои не успеаја да го одржат мирот и да обезбедат меѓуетнички соживот“, изјави Ајдари.
Координаторот на пратеничката група на СДСМ Оливер Спасовски на почетокот на седницата рече дека тие нема да поддржат ниту една интерпелација бидејќи имаат за цел нови етнички поделби, а нема да ја поддржат ниту онаа за Илире Даути која го блокираше законот за бранители кои тие го предложија, бидејќи сметаат дека единствен виновник е Африм Гаши. По ова пратеничката група ја напушти седницата.
„Сметаме дека не треба да се поддржат интерпелациите и затоа СДСМ нема да учествува во оваа расправа бидејќи не е место во парламентот во кое што треба да се поттикнува меѓуетничките тензии и основата на интерпелациите лежи во една таква дебата во која што треба да се отвори. Исто нема да ја поддржиме интерпелацијата за Илире Даути“, изјави Спасовски.
Сите 5 интерпелации, дебатата и нивното гласање треба да завршат до вечерва до 24 часот.
ИЗВОР: ТВ 21
