Перински во „Наткаст“: Мотивиран сум, можам да придонесам за подобрување и надминување на состојбите во Град Скопје

Апсолутно да. Ова е одговорот на министерот за локална самоуправа Златко Перински на прашањето дали се уште е на ставот да биде кандидат за градоначалник на Град Скопје на претстојните локални избори во „Наткаст“ на Курир со Љупчо Цветановски.

Перински вели дека е мотивиран и смета дека дел од неговото искуство во минатото и во јавниот сектор додека работел во рамки на Градот Скопје имал прилика да ги види најголем дел од проблемите и аномалиите со кои се соочува Градот.

-Од друга страна страна сум мотивиран бидејќи состојбите кои моментално го тиштат Градот Скопје се базичните потреби на граѓаните кои не се задоволуваат и тоа дополнително ми дава мотивација. Имам прилика изминатите осум месеци, од составувањето на новата влада, да работам на полето и тематиките кои го тангираат и Градот Скопје, тоа се локалната самоуправа и локалниот развој. Мислам дека овој спектрум на околности ми дава за право да кажам дека сосема доволно и солидно ги познавам околностите во кои треба да се работи и дека можам да придонесам во таа насока на подобрување и надминување на тие општи состојби кои се за жал, под секое достоинство за скопјани, вели Перински во „Наткаст“ на Курир.

Целото гостување може да го погледнете во продолжение.